91 vjeçarja tregon si të vazhdojmë të jemi entuziast për jetën

Për dikë të jesh 91 vjeç është goxha shumë, por për Flossie Lewis është sikur të jesh adoleshente.

“Plakja është gjendje mendore. Unë jam 91 vjeçare, por ndihem sikur të jem 15”, shprehet ajo për PBS NewsHour’s Brief.

Lewis jeton në një zonë të San Franciskos, dhe shprehet se mosha dhe rrethanat nuk ia kanë zbutur entuziazmin për jetë, transmeton Klan Kosova.

Mësuesja e anglishtes, shpjegon se si ajo ia del të gjejë mënyra që ta kënaqë veten.

Ajo tregon se ndonëse trupi plaket, personi mbetet i njëjtë.

“Trupi vjetrohet, por personaliteti nuk ka nevojë të ndërrohet”, u shpreh Lewis.