9 të vdekur nga koronavirusi në Turqi

Turqia konfirmoi pesë vdekje të tjera nga koronavirus vonë të premten, duke e çuar gjithsej në nëntë vdekje dhe 311 raste të reja të konfirmuara. Ministri i Shëndetësisë Fahrettin Koca tha në Twitter se vdekjet ishin të pacientëve të moshuar dhe të prekur nga sëmundje tjera përcjellëse, shkruan Anadolu, transmeton Klan Kosova Ai shtoi se 311 nga 3,656 testet e kryera në raste të dyshuara në 24 orët e fundit ishin rikthyer pozitive, duke e çuar numrin e përgjithshëm të pacientëve në 670, nga 359. Kujtojmë se COVID-19 u shfaq në Wuhan, Kinë dhjetorin e kaluar, dhe është përhapur në të paktën 164 vende dhe territore. Organizata Botërore e Shëndetit e shpalli shpërthimin një pandemi. Nga më shumë se 266,000 raste të konfirmuara, numri i vdekjeve tani tejkalon 11,000, dhe mbi 87,000 janë shëruar, sipas të dhënave të përpiluara nga Universiteti Johns Hopkins me qendër në SH.B.A. Megjithë numrin në rritje të rasteve, shumica e të cilët infektohen vuajnë vetëm simptoma të buta dhe shërohen.