800 fëmijë “të padëshiruar” nën rrënojat e një shtëpie në Irlandë, si u vranë ata?

Kanë nisur gërmimet në vendin ku dikur ndodhej një shtëpi për nënat e pamartuara dhe fëmijët e tyre, e drejtuar nga kisha katolike në Irlandë. Aty në fakt dyshohet se mbi 800 fëmijë kanë humbur jetën mes viteve të shtypjes së grave dhe fëmijëve të padëshiruar, të ndërtuar mbi “turpin” dhe heshtjes mes kishës dhe shtetit. Lidhur me këtë temë, në “Kosova Today” kanë diskutuar Ambera Kelmendi dhe Dibran Gashi, transmeton Klankosova.tv. “Besimin fetar e besojnë varfanjakët, intelektualët e mohojnë derisa sundimtarët e përdorin. Duke u nisur prej kësaj, unë dalë në atë çështjen se fetë në përgjithësi kanë abuzuar me njerëzit mbi baza fetare, në forma të ndryshme. Të gjitha fetë e kanë bërë”, u shpreh Gashi. Derisa Kelmendi thotë se rastin në fjalë, nuk e gjykon në suaza të fesë. “Kisha dashur ta gjykojë si gjenocid njerëzor. Aty janë vrarë rreth 800 fëmijë, flitet që në mesin e tyre, murgeshat dhe stafi administrativ, krejt çka flitet rreth asaj ‘sëmundje’ ka qenë një infeksion i lehtë. Ata kanë qenë të mbrojtur, të ruajtur. Flitet për kohën kur kisha ka qenë shumë e besueshme, ku edhe këto gratë që i kanë konsideruar si të pamoralshme, në atë institucion janë strehuar. Por të mbijetuarat, thonë se fëmijët e tyre nuk i kanë parë kurrë”, tha tutje Kelmendi. https://www.youtube.com/watch?v=F1bTO7IQI5Y