80 të vrarë në dhunën sektare në Pakistan

Më shumë se 80 njerëz janë vrarë në dhunën e përtërirë sektare në veriperëndim të Pakistanit, thonë zyrtarët.

156 të tjerë thuhet se janë plagosur në tre ditë luftime në rrethin fisnor të Kurram, pranë kufirit afgan, raporton BBC, transmeton Klankosova.tv.

Dhuna filloi të enjten, kur persona të armatosur sulmuan autokolonat e myslimanëve shiitë që udhëtonin nëpër zonë nën shoqërimin e policisë. Më shumë se 40 vdiqën në atë incident, i cili shkaktoi sulme hakmarrëse.

Myslimanët shiitë dhe sunitë janë përfshirë në rivalitete fisnore dhe sektare për mosmarrëveshjet për tokën për dekada.