8 Marsi: Gratë që lanë gjurmë në historinë shqiptare!

Dita Ndërkombëtare e Gruas, shënohet çdo vit më 8 mars për të kujtuar kontributin dhe rolin e grave në shoqëri. Në historinë shqiptare, gratë kanë pasur rol të rëndësishëm në periudha të ndryshme, nga rezistenca dhe lufta për liri, deri te përfaqësimi në politikë, kulturë, sport e shumë fusha të tjera. Ndër figurat që përmenden shpesh në historinë shqiptare është Shotë Galica, e njohur për pjesëmarrjen e saj në rezistencën kundër pushtimit serb në fillim të shekullit XX. [caption id="attachment_2795383" align="alignnone" width="845"] Shotë Galica[/caption] Ajo konsiderohet një nga gratë që simbolizojnë qëndresën dhe përfshirjen e grave në përpjekjet për liri, raporton Klankosova.tv. Në fushën e humanizmit, emri i Nënës Terezë është ndër më të njohurit në botë. E lindur me origjinë shqiptare, ajo u bë simbol i përkushtimit ndaj njerëzve në nevojë e besa për punën e saj humanitare u nderua edhe me Çmimin Nobel për Paqe. [caption id="attachment_2795384" align="alignnone" width="752"] Gonxhe Bojaxhiu - Nënë Tereza[/caption] Në historinë më të re të Kosovës përmenden edhe gra që janë bërë simbol i qëndresës dhe forcës përballë sfidave. Mes tyre janë Fahrije Hoti, e njohur për angazhimin e saj në fuqizimin e grave në Krushë të Madhe pas luftës, si dhe Vasfije Krasniqi-Goodman, e cila publikisht ka rrëfyer përjetimet e saj dhe është angazhuar për drejtësi për viktimat e dhunës seksuale gjatë luftës në Kosovë. [caption id="attachment_2795400" align="alignnone" width="640"] Fahrije Hoti[/caption] [caption id="attachment_2795402" align="alignnone" width="640"] Vasfije Krasniqi[/caption] E në vendin tonë, gratë kanë arritur të jenë pjesë e institucioneve më të larta shtetërore. Aktualisht, posti i të pares së vendit mbahet nga një grua - Vjosa Osmani, ndërsa më herët këtë funksion e ka ushtruar edhe Atifete Jahjaga. [caption id="attachment_2795325" align="alignnone" width="695"] Vjosa Osmani[/caption] [caption id="attachment_2795388" align="alignnone" width="800"] Atifete Jahjaga[/caption] Përfaqësimi i grave shqiptare është shtrirë edhe në sport. Xhudistja nga Peja, Majlinda Kelmendi u bë sportistja e parë nga Kosova që fitoi medalje olimpike, duke e bërë vendin të njohur në arenën ndërkombëtare. [caption id="attachment_2795390" align="alignnone" width="640"] Majlinda Kelmendi[/caption] E kur përmendet xhudoja, vajzat nga Ksova kanë dëshmuar vazhdimisht se dinë të jenë ndër më të mirat në botë. Rrugën e hapur nga Majlinda e kanë vazhduar me suksese edhe Distria Krasniqi, Laura Fazliu dhe Nora Gjakova, duke përfaqësuar Kosovën me medalje dhe rezultate në arenën ndërkombëtare. [caption id="attachment_2795391" align="alignnone" width="850"] Distria Krasniqi[/caption] [caption id="attachment_2795392" align="alignnone" width="640"] Laura Fazliu[/caption] [caption id="attachment_2795393" align="alignnone" width="640"] Nora Gjakova[/caption] Derisa, kur përmendet origjina shqiptare në skenën botërore të muzikës, mendja e shumëkujt shkon te një fenomen global, Dua Lipa. [caption id="attachment_2795394" align="alignnone" width="640"] Dua Lipa[/caption] Së bashku me Rita Ora, Bebe Rexha, Ava Max, ato kanë arritur sukses në industrinë muzikore ndërkombëtare, duke e bërë emrin shqiptar të jehojë në skenat më të mëdha të botës. /Klankosova.tv [caption id="attachment_2795395" align="alignnone" width="640"] Rita Ora[/caption] [caption id="attachment_2795396" align="alignnone" width="640"] Bebe Rexha[/caption] [caption id="attachment_2795398" align="alignnone" width="640"] Ava Max[/caption]