Lajmet e fundit
Aktorja 61 vjeçare e ka postuar një video në Instagram ku ka treguar rutinën e stërvitjeve të vështira që ajo i bën në fitnes.
E veshur me një sutjenë sportive ngjyrë rozë dhe pantollona po ashtu sportive me ngjyrë të zezë, Griffith shihet që bën stërvitje shumë sfiduese – ushtrime për muskujt e barkut, ushtrime për krahët, cardio si dhe ngre pesha.
“Ok. Unë stërvitem me Gunnar që shtatë vjet. Unë e adhuroj këtë njeri. Ai më ndihmon që unë ta mbaj trupin në formë dhe të jem e fuqishme edhe në moshën 50+11 vjeçare. Ai është edhe terapisti im”, ka shkruar ajo poshtë videos.
Pas lëvdatave që aktorja i bëri, ka reaguar menjëherë edhe trajneri i saj Gunnar Peterson që punon me të për shumë vite me radhë.
“Ky postim e bëri ditën time më të mirë. Por, prit…a nuk je ti 39 vjeçare?”, ka thënë ai.
Peterson gjithashtu e ka ripostuar këtë video duke e vlerësuar klienten e tij për stërvitjen mbresëlënëse.
“Duke stërvitur fort. Si mos ta ripostoj këtë video? Gjëja më e mirë që e kam dëgjuar gjatë gjithë ditës. Falemnderit Melanie Griffith, nderi është krejtësisht i imi”, ka shkruar ai.
https://www.instagram.com/p/BzZNwiRASOv/Disa nga yjet e njohura që janë miq të Griffith si Kate Hudson dhe Kate Beckinsale kanë komentuar poshtë këtij postimi duke e motivuar aktoren që të stërvitet edhe më tutje.
Kjo nuk është hera e parë që 61 vjeçarja Melanie Griffith ka treguar format e saj trupore që secila vajzë e re ia ka lakmi.
Verën e kaluar, ajo ishte fotografuar gjatë pushimeve në Itali dhe Francë ku viheshin në pah format e saj trupore pothuajse perfekte.
