6 mijë e 211 raste aktive me COVID-19 në vend

Numri total i rasteve pozitive në vend që nga 13 marsi kur është paraqitur rasti i parë me COVID-19 është 59 mijë e 646. Që nga fillimi i pandemisë e deri tani 1 mijë e 487 persona me COVID-19 kanë humbur jetën, njofton Klan Kosova. Ndërsa numri i rasteve aktive me COVID-19 është 6 mijë e 211 raste. I lartë mbetet edhe numri i personave që janë shëruar nga ky virus, ku numri i përgjithshëm ka arritur në 51 mijë e 948 pacientë të shëruar. IKSHPK njoftoi se gjatë 24 orëve të fundit kanë rezultuar pozitive 342 mostra të marra nga ShSKUK dhe gjurmimi i kontakteve të rasteve në terren. Po ashtu gjatë 24 orëve të fundit pesë pacientë kanë humbur jetën teksa janë shëruar 235 pacientë.