5G arrin në Ballkan, sefte në UBT (VIDEO)

Është përuruar qendra e parë testuese me gjeneratën e pestë të teknologjisë së rrjeteve celulare pa tela. Ajo ndodhet në Kampusin e Universitetit për Biznes dhe Teknologji,  ku tashmë një hapësirë do të jetë me frekuenca të rrjetit 5G. Kjo i mundëson kolegjit UBT që të bëjë studime të ndryshme sic janë ato mikrobiologjike e qytetet e mençura por edhe në fusha tjera. Përvec për nevojat  e tyre e të studentëve, drejtuesit e UBT-së janë deklaruar se janë të hapur edhe për kompanitë tjera që duan të bëjnë testime me 5G. E gjithë kjo u bë e mundur pas bashkëpunimet me kompaninë NOKIA, që ishte bashkëpunëtore. Përfaqësuesi i këtyre, David Pavlinic, u deklarua se ky vend në Kosovë është i pari në rajon ku po përdoret rrjeti 5G. Në ngjarjen e përurimit e pranishme virtualisht ishte edhe ambasadorja finlandeze. Ndërkaq, zyrtarët e Autoritetit Rregullativ të Komunikimeve Elektronike dhe Postare, thanë se janë duke punuar edhe vet në këtë drejtim për hapjen e brezave për 5G, jo vetëm për operatorët e mëdhenj ekzistues por edhe për nevoja private.   https://www.youtube.com/watch?v=aPF90goBk1Y&t=6s&ab_channel=KlanKosova