52-vjeçari arrestohet në veri, policia ia gjen kallashnikovin në bagazhin e veturës

Një person është arrestuar sot në Mitrovicën e Veriut nga policia. S.D, është ndaluar nga njësitet përkatëse, ku në bagazhin e veturës i ka gjetur një kallashnikov. Pos armës, organet e rendit kanë gjetur edhe konfiskuar: një karikator; pesë fishekë të kalibrit 7.62 mm; si dhe pajisje për prodhimin e kriptovalutave. 52 vjeçari, me urdhër të prokurorit është ndaluar për 48 orë. "Ndaj tij është iniciuar rast për veprën penale ’Mbajtje në pronësi, kontrolle apo posedim i paautorizuar i armëve", thuhet në njoftim transmeton Klankosova.tv