44-vjeçari arrestohet në Shijak, dyshohet se dhunoi seksualisht një 18-vjeçare

Një 44-vjeçar është arrestuar në Shijak, pas dyshimeve se dhunoi seksualisht një 18-vjeçare. Policia në Shqipëri ka njoftuar se gjatë kontrollit të banesës së të dyshuar, u gjet dhe sekuestrua në cilësinë e provës materiale një shkop gome dhe një armë gjahu, të cilën e mbante pa leje të organeve kompetente, transmeton Klankosova.tv. Materialet procedurale i kaluan Prokurorisë së Rrethit Gjyqësor Juridiksionit të Përgjithshëm Durrës, për veprat penale “Kryerja e marrëdhënieve seksuale me dhunë me të rritura, me persona të paaftë për t’u mbrojtur”, “Mbajtje pa leje të organeve kompetente të armëve të gjahut” dhe “Mbajtje pa leje të organeve kompetente të armëve të ftohta”.