37 mijë kosovarë të vaksinuar kundër COVID-19 deri sot

Në tërë Kosovën janë vaksinuar deri më tani 37 mijë qytetarë me vaksinat anti-COVID, AstraZeneca dhe Pfizer. Këtë e ka bërë të ditur Koordinatori i Qendrës së Vaksinimit në Prishtinë, Niman Bardhi, sipas të cilit deri në ora 12:00 janë vaksinuar 2 mijë e 103 qytetarë, transmeton Klan Kosova “Edhe sot jemi duke vazhduar me vaksinimin e kategorisë së të moshuarve mbi moshën 65-vjeçare. Deri në këto momente që po flasim aktualisht kemi të vaksinuar 165 persona, gjithmonë me prioritet ata që janë të kontaktuar dhe që kanë aplikuar online”. "Janë duke u vaksinuar vetëm personat e kontaktuar nga Ministria e Shëndetësisë dhe të regjistruar në platformën e-Kosova. Kemi pasur raste edhe të personave të paregjistruar në këtë platformë që kanë kërkuar të vaksinohen por në qendrën “1 Tetori” nuk është dhënë asnjë vaksinë jashtë listës së kontaktuar nga Ministria”, ka thënë Bardhi.