Lajmet e fundit
Prokuroria Themelore në Mitrovicë ka njoftuar se deri më tani janë intervistuar shumica prej 43 kryesuesve të Qendrave Komunale të Numërimit në pesë komuna të rajonit të Mitrovicës, për manipulim votash në zgjedhjet e 28 dhjetorit.
Lajmin për Klankosova.tv e ka konfirmuar zëdhënësi i Prokurorisë Themelore në Mitrovicë, Valon Preteni, i cili tha se 34 prej tyre janë ndaluar për 48-orë.
Preteni tha po ashtu se të njëjtit dyshohen për veprën penale “Falsifikimi i votave”.
Prokuroria Themelore në Mitrovicë kishte njoftuar se ka urdhëruar hetuesit që të intervistojnë 43 kryesues të Qendrave Komunale të Numërimit në Mitrovicë Jug, Mitrovicë Veri, Leposaviq, Zubin Potok dhe Zveçan. /Klankosova.tv
https://klankosova.tv/dyshimet-per-manipulim-votash-prokuroria-ne-mitrovice-urdheron-intervistimin-e-43-kryesuesv11e/
