PDK nuk merr pjesë as në seancën e orës 14:00

Partia Demokratike e Kosovës ka bërë të ditur se deputetët e saj nuk do të marrin pjesë as në vazhdimin e seancës për presidentin që nis nga ora 14:00. Kështu deklaroi në një konferencë për media sekretarja Vlora Çitaku. "Isha shumë e qartë. Nuk bëhemi pjesë e kësaj maskarade politike", u shpreh Çitaku, raporton Klankosova.tv. Ajo i bëri thirrje kandidates për presidente Feride Rushiti, të tërhiqet nga gara e cila sipas saj është lojë politike e Albin Kurtit. “Sot nga Kuvendi i Kosovës dua të apeloj te VV-ja që t’i ndërpresë këto veprime karateje të dhunës politike, sepse ky nuk është Kuvend i karatesë por institucion i të zgjedhurve të popullit”. “Nga zemra i bëj thirrje Feride Rushitit që të tërhiqet nga kandidatura nga kjo lojë politike antikushtetuese e Albin Kurtit e cila është e dëmshme për shtetin dhe atë vet. Më vjen keq që ka pranuar të huazojë politikisht emrin e saj për një maskaradë të rrezikshme politike. Si PDK e çmojmë angazhimin e saj në shoqëri civile, por nderi më i madh që mund t’i bëjë vendit, është të largohet nga kjo garë”, deklaroi Çitaku./Klankosova.tv https://klankosova.tv/oret-e-fundit-per-presidentin-po-ecin-pdk-thirrje-feride-rushitit-largohu-nga-gara-111/