Nesër i jepet lamtumira e fundit fëmijës që vdiq tragjikisht në Lipjan

Nesër do të varroset vogëlushi që vdiq tragjikisht në Lipjan.

Kështu ka bërë të ditur gazetarja e Klan Kosovës, Endrita Bajrami e cila po qëndron pranë vendit të ngjarjes.

I mituri fillimisht ishte shpallur i zhdukur nga familja pasi që i njëjti nuk ishte kthyer në shtëpi pas procesit mësimor.

Policia e Kosovës ka bërë të ditur se kanë nisur hetimet lidhur me këtë rast të rëndë, njofton Klankosova.tv.

“Lidhur me rastin, pas pranimit të një informate se viktima mashkull kosovar nuk është kthyer në shtëpi, ka filluar kërkimi i tij me ç’rast nga dëshmitari mashkull kosovar i njëjti është gjetur në lum. Viktima me autoambulancë është transportuar në QKUK-Prishtinë, ku më pas ka ndërruar jetë. Vdekjen e viktimës e ka konstatuar mjeku kujdestar. Ndërsa në vendin e ngjarjes ka dalë njësitet përkatëse, dhe vendim të prokurorit trupi i pajetë dërgohet në IML për obduksion”.

https://klankosova.tv/e-cojke-vala-djalin-ma-dha-zoti-fuqine-flet-personi-qe-e-nxori-nga-lumi-vogelushin-ne-lipjan/