Qysh erdhi puna që Bekë Berisha të merrej me pajtimin e gjaqeve? (VIDEO)

Ish-deputeti Bekë Berisha ka kohë që merret edhe me pajtimin e gjaqeve të familjeve që janë në hasmëri. Ai në Klan Kosova ka rrëfyer se si dhe pse e ka nisur këtë mision të tij. “Këtë e bëj për të mirën e shoqërisë dhe për njerëzit sepse kjo ka lidhje të forta me babanë tim në kohë të okupimit kur nuk kemi pasë institucione edhe njerëzit kanë pasë probleme, edhe baba pat marrë pjesë në atë organizimin e madh të pajtimit të gjaqeve që njihet si ajo koha kur plot intelektualë në krye me Anton Qettën kanë pajtu njerëz”, ka thënë Berisha në Orën 7 të Klan Kosovës. Berisha ritheksoi rëndësinë e punës së të atit që ka frymëzuar që të vazhdojë procesin e pajtimeve. “Ai u kanë një proces shumë i rëndësishëm, me i pajtu popullin, edhe mandej kanë ndodhur do procese të tjera, si lufta e të tjera, ku o dashtë populli me kanë bashkë”. “Pastaj, lëvizja, apo në kuadër të Lidhjes Demokratike, babën e k om pasë në atë kohë kryetar të komisionit për gjykata, domethanë, paralele ndaj atyre serbe. Këtu dihet që i ka nja 92 raste të  protokollume, për mos me i lanë popullin, apo në dorë të armikut, me i kry këto probleme ma të vështira që janë kanë, gjaqet, penale e kështu, o dashtë me i kry organizimi ynë i brendshëm, pra i shqiptarëve”. https://www.youtube.com/watch?v=00kPr-BjxoM