27 mijë maturantë i nënshtrohen sot provimit të gjuhës së huaj në Shqipëri

Sot, mbi 27 mijë maturantë në të gjith Shqipërinë do t’i nënshtrohen provimit të parë të Maturës Shtetërore, atë të Gjuhës së Huaj. Testimi zyrtarisht nis në orën 10:00 dhe zgjat 2 orë e 30 minuta. Nxënësit duhet të paraqiten në ambientet e shkollave përkatëse që prej orës 08:30, të pajisur me një dokument identifikimi, kartë ID ose pasaportë. Vlen të theksohet se mbajtja e telefonave është e ndaluar. Më 10 qershor do të zhvillohet provimi i Gjuhës Shqipe, më pas më 17 qershor ai i Matematikës dhe i fundit është provimi me zgjedhje, më 24 qershor. Për secilin, orari është njësoj. Rezultatet e këtyre katër provimeve kanë rëndësi edhe për hyrjen në universitete pasi maturantët fitojnë rreth 50% të pikëve nga notat e tyre, raporton Tv Klan.