234 raste të reja me COVID-19 dhe 420 të shëruar gjatë 24 orëve në Kosovë

234 raste të reja me COVID-19 janë regjistruar gjatë 24 orëve të fundit sipas Institutit Kombëtar të Shëndetësisë Publike. IKSHPK njofton se janë testuar 1 mijë e 57, mostra mostra të marra nga Shërbimi Spitalor Klinik dhe Universitar i Kosovës, dhe gjurmimi i kontakteve të rasteve në terren. Instituti Kombëtar i Shëndetësisë Publike të Kosovës bën të ditur se gjatë 24 orëve janë shëruar 420 persona. "420 TË SHËRUAR DHE 234 RASTE ME COVID-19!". "Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1057 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 234 raste pozitive". "Brenda 24 orëve janë raportuar 4 raste të vdekjes me SARS CoV-2 pozitiv. Rastet e vdekjes janë nga komunat: Prizren 2 raste (90, 59 vjeç), Malishevë 1 rast (55 vjeç), Prishtinë 1 rast (89 vjeç). Numri total i rasteve pozitive është 51.965 raste nga 187.088 persona të dyshimtë në virusin SARS-CoV-2 dhe 1.344 raste të vdekjes. Gjatë 24 orëve të fundit, janë shëruar 420 pacientë derisa numri i përgjithshëm i të shëruarve deri më sot është gjithsej 42.635 raste, kurse numri i rasteve aktive është 7.986".