200 mijë skocezë “pushtojnë” Munihun

Gjermani-Skoci do të jetë ndeshja hapëse e Kampionatit Evropian. Kjo sfidë do të luhet të premten në mbrëmje duke nisur nga ora 21:00. Skocezët tashmë kanë filluar festën në Munih ende pa filluar ndeshja. Sipas mediave gjermane thuhet se 200 mijë skocezë janë në sheshet e qytetit, teksa një pjesë e madhe prej tyre nuk pritet të jenë brenda në stadium. “Gjithçka është e qetë dhe paqësore”, tha një zëdhënës i policisë. “Por, për shkak të turmave të mëdha, policia duhej të mbyllte shpejt Marienplatz në qytetin e vjetër në mënyrë që të mos kishte tifozë të lënduar. Nuk dihet se sa do të zgjasë mbyllja”.