Lajmet e fundit
Si pasojë e të shtënave me armë zjarri brenda një ndërtese të përdorur nga Dëshmitarët e Jehovait në qytetin verior gjerman të Hamburgut të enjten në mbrëmje, shtatë persona kanë humbur jetën.
Të shtënat ndodhën në lagjen Gross Borstel, disa kilometra në veri të zonës qendrore të qytetit të dytë më të madh të Gjermanisë, shkruan Euronews, transmeton Klan Kosova.
Sipas gazetës gjermane Bild, të paktën shtatë persona u vranë në incident dhe mbi 20 të tjerë u plagosën.
[caption id="attachment_2014524" align="alignnone" width="750"]
Policë qëndrojnë para një ndërtese të përdorur nga Dëshmitarët e Jehovait në Hamburg, më 10 mars 2023, pas të shtënave më 9 mars. Foto: AP[/caption]
Policia njoftoi gjatë natës në Twitter se kishte zbuluar një trup "në një shtëpi famullie në Gross Borstel dhe ne besojmë se mund të jetë një autor" i të shtënave. "Në këtë pikë, ne supozojmë se ka pasur vetëm një gjuajtës," thanë ata.
"Një numër i madh i agjencive të zbatimit të ligjit janë" në vendin e qendrës së Dëshmitarëve të Jehovait, shtoi policia e Hamburgut.
Zyra Federale për Mbrojtjen Civile hoqi alarmin zyrtar të rrezikut për sulmin rreth orës 3:00 të mëngjesit me orën lokale.
Rrini të informuar mbi zhvillimet kryesore duke u bërë pjesë e komunitetit tonë në Viber
