19-vjeçari i nënshtrohet një operimi të rrallë në QKUK

Një operacion i rrallë është në Klinikë e Otorinolaringologjisë të Shërbimit Spitalor, Klinik dhe Universitar të Kosovës. Intervenimi ka zgjatur mbi tri orë dhe është realizuar nga doktori Arsim Thaçi. "Pacienti E.D. i moshës 19 vjeçare, ishte me diagnozë Angiofibroma Juvenile (tumor i indit lidhor dhe enëve të gjakut në hundë e pjesët përreth hundës)", thuhet në njoftimin e ShSKUK-së përcjell Klankosova.tv Para operacionit, atij i ishin kryer të gjitha ekzaminimet e nevojshme diagnostike, përfshirë Tomografi të Kompjuterizuar(CT) dhe Rezonancë Magnetike ( MRI). "Një operacion i tillë në institucionet jashtë vendi kushton rreth 15 mijë euro", thuhet në njoftim. Bazuar në lejen e lëshuar nga Ministria e Shëndetësisë, Dr.Arsim Thaqi, do të kryej edhe disa operacione të tjera të komplikuara, me asistim edhe nga mjekët e Klinikës së ORL-së, për të cilët është mundësi e Edukimit Profesional.