Producentja e filmave “James Bond”, Barbara Broccoli, ka folur për takimin shumë pikëllues që kishte pasur me këngëtaren e ndjerë Amy Winehouse për ta regjistruar këngën tematike të njërit prej filmave.
Një dokumentar i ri, “The Sound Of 007” e shtjellon muzikën e franshizës së filmave Bond, e në të cilën Broccoli kujton një takim me Winehousen për ta shkruar këngën tematike të filmit të 2008-ës, “Quantum Of Solace”.
“Ishte një takim shumë i rëndë, Winehouse nuk ishte në gjendjen e sam më të mirë dhe zemra ime vërtet ndiente për të,” thotë Broccoli në dokumentar, sipas Entertianment Weekly.
“Ajo ishte shumë e brishtë emocionalisht, dhe, ju mund ta kuptoni se si mund të krijonte material aq të fuqishëm, sepse kishte thellësi të madhe të ndjenjës dhe ishte shumë, shumë tragjike.”
https://www.youtube.com/watch?v=TJAfLE39ZZ8
●●●
LSHKRIMI NGA
L
Editorial nga Klan Kosova — ndjek kulturë dhe zhvillimet e tjera kryesore të vendit.
