17 vdekje nga COVID-19, afër rekordi i zi (VIDEO)

17 të vdekur u regjistruan në 24 orëshin e fundit në vend. Prej tyre dy janë nën moshën 30 vjeçare, teksa ata që po trajtoheshin në Klinikën Infektive kanë qenë në gjendje të rëndë me oksigjenoterapi e të intubuar. Numër më i lartë se i kësaj të premte ishte shënuar në dhjetor të vitit të kaluar, kur 22 pacientë humbën betejën me pandeminë. Gjatë ditës numri i rasteve pozitive ishte më i ulët se i ditëve të kaluara, njësoj sic u bënë edhe teste më pak. Por gjithë kjo valë e shpejtë stërmbushi spitalet, që sipas U.D drejtorit të Klinikës Infektive, Arben Vishaj, kanë ardhur rreth 20 mijë pacientë për 10 ditë, që i bie 1/5 e atyre që u trajtuan që nga fillimi i pandemisë, e që për sistemin shëndetësor është i papërballueshëm. Aktualisht në vend janë afro 20 mijë e 500 raste aktive me Covid-19, ndërkaq morën kurën me dy doza kundër kësaj sëmundje 243,650 persona. https://youtu.be/X_QMqN68ZXE