13 vjedhje në kryeqytet, arrestohen dy të dyshuar

Janë arrestuar dy persona në Prishtinë, nën dyshimin se kanë kryer vjedhje. Rastet kanë ndodhur në periudha të ndryshme, kryesisht në qendër të Prishtinës (në kafiteri), ku dyshohet se ankuesve u janë marrë çanta dore, thuhet në kumtesën e policisë, transmeton Klankosova.tv. Personat e dyshuar me vendim të prokurorit janë dërguar në mbajtje për 48 orë. Hetuesit po ndërmarrin veprimet e nevojshme procedurale për së paku 13 raste të vjedhjeve.