Lajmet e fundit
Pronari i një autobusi të linjës Durrës-Milano dhe shoferi i tij janë arrestuar pasi u kapën duke transportuar drejt Italisë 13 kilogramë heroinë.
Policia Kufitare në Portin e Durrësit ka ushtruar kontroll të detajuar dhe ka gjetur të fshehur në pjesën e pasme të autobusit, 13 kilogramë e 750 gramë lëndë narkotike heroinë, e mbështjellë në 26 pako.
Si pasojë është arrestuar pronari 32 vjeç, i cili është banues në Rrogozhinë dhe shoferi i autobusit, 57-vjeçar, banues në Fier.
Gjatë kontrollit fizik, shoferit iu gjet edhe një dozë lënde narkotike kokainë. Lënda narkotike heroinë dhe kokainë u sekuestrua në cilësinë e provës materiale bashkë me tetë celularë.
Dy të arrestuarit akuzohen për veprën penale “Trafikimi i lëndëve narkotike” dhe “Prodhimi dhe shitja e narkotikëve”.
Policia po vijon punën për hetimin e plotë të rastit dhe për identifikimin dhe arrestimin e personave të tjerë të përfshirë.
Rrini të informuar mbi zhvillimet kryesore duke u bërë pjesë e komunitetit tonë në Viber.
