121 pacientë me COVID-19 po trajtohen në Spitalin e Pejës, 25 në gjendje të rëndë

121 pacientë me COVID-19 janë duke u trajtuar aktualisht në Spitalin e Pejës. Sa i përket gjendjes së pacientëve: katër janë në respirator (CPAP), 81 pacientë me oksigjenoterapi ndërsa 25 pacientë janë në gjendje më të rëndë, njofton Klan Kosova Ky spital po ashtu njofton se gjatë 24 orëve të fundit një pacientë është shëruar nga COVID-19. Njoftimi i plotë i Spitalit: 121 pacientë janë duke u trajtuar aktualisht në Spitalin e Përgjithshëm në Pejë me Covid-19. Sa i përket gjendjes së pacientëve: 4 Pacientë janë në Respirator(CPAP), 81 pacientë janë në Oksigjeno terapi ndërsa nga këta 25 pacientë janë në gjendje më të rëndë. 1 Pacientë është shëruar gjatë 24 orëve të fundit. Përndryshe gjatë vikendit të fundit në Spitalin e Përgjithshëm në Pejë, 547 pacientë kanë marrë trajtim emergjent shëndetësorë, dhe nga këta 71 pacientë janë shtrirë për trajtim të mëtutjeshëm. 9 lindje kanë qenë gjatë vikendit në Spitalin e Përgjithshëm në Pejë, 6 normale dhe 3 me prerje cezariane. Kanë lindur 9 foshnje dhe sa i përket gjinisë 6 foshnje janë të gjinisë mashkullore dhe 3 të gjinisë femërore. 405 pacientë kanë kryer analiza, që në total kanë bërë 4,714 analiza, ndërsa gjatë vikendit janë kryer 13 operacione.