Zemaj: Së shpejti do të bëhet realitet funksionalizimi i Spitalit të Podujevës

Ministri i Shëndetësisë, Armend Zemaj ka thënë se së shpejti do të bëhet realitet funksionalizimi i Spitalit të Podujevës dhe ndërtimet shtesë sipas plan projektit. Për këtë çështje, siç ka bërë të ditur Zemaj në Facebook ka biseduar edhe me ministrin i Punëve të Brendshme, Agim Veliu, dhe me nënkryetarin e Podujevë, Nexhmi Rudari, transmeton Klan Kosova. “Gjatë takimit të sotëm, përkitazi për këtë projekt elaboruam në hollësi se si të funksionaliohet pa vonesa, i cili është i bazuar në nevojat dhe kërkesat e kësaj komune”. “Pashmangshëm folëm edhe për prioritetet aktuale të qeverisjes së institucioneve qendrore dhe lokale, për situatën epidemiologjike si dhe menaxhimin tutje edhe në komunën e Podujevës”. “Me Ministrinë e Punëve të Brendshme si dhe me autoritetet e Komunës së Podujevës kemi koordinim të shkëlqyeshëm ndërinstitucional dhe së bashku edhe me akterët e tjerë po angazhohemi maksimalisht për ta tejkaluar situatën e pandemisë dhe për të realizuar projektet e parapara”. “E falënderova z.Agim Veliun dhe z.Nexhmi Rudarin për gatishmërinë e tyre për të bashkëpunuar sidomos në zbatimin e masave anticovid-19”, shkruan ai, transmeton Klan Kosova.

SHKRIMI NGA