Autori amerikan Colson Whitehead është bërë shkrimtari i katërt që ka fituar dy herë Çmimin Pulitzer për
fiction.
Autori afrikano-amerikan u nderua për "The Nickel Boys", i cili shfaq abuzimin e disa djmve me ngjyrë në një shkollë korrektuese për të mitur në Florida.
"Nickel Boys" u frymëzua nga historia e tmerrshme në jetën reale e shkollës për djem në "Dozier" në Florida, ku fëmijët e dënuar për vepra të vogla iu nënshtruan abuzimit të dhunshëm.
Romani i Witehead u vlerësua nga komiteti Pulitzer për "eksplorimin e tij të pa rezervë dhe rrënues të abuzimit në një shkollë reforme në epokën e Jim Crow në Florida, që në fund është një histori e fuqishme e këmbënguljes, dinjitetit dhe shpagimit njerëzor".
Whitehead, 50 vjeçar nga New Yorker, fitoi çmim edhe në vitin 2017 në të njëjtën kategori për librin e tij "Underground Railroad".
Para tij, vetëm Booth Tarkington, William Faulkner dhe John Updike kishin fituar dy herë Pulitzer për fiction.
How @PulitzerPrizes celebrations look during a pandemic pic.twitter.com/pxGdVvaoND
— Travis (@travislylesnews) May 4, 2020
Çmimet e vitit 2020, të shtyera për disa javë për shkak të koronavirusit, u shpallën nga distanca në dhomën e ndenjes të administratores së Pulitzer, Dana Canedy.
Çmimet Pulitzer janë nderimet më të larta për gazetarët dhe autorët me qendër në SHBA.
