Komiteti për menaxhimin dhe parandalimin e përhapjes së COVID-19 në Gjilan, nën udhëheqjen e nënkryetarit Arbër Ismajli, ka mbajtur takimin e të hënës për vlerësimin e situatës së pandemisë në dy ditët e fundit.
Në emër të Komitetit, Ismajli u ka bërë apel qytetarëve dhe bizneseve që japin shërbime, që t`u përmbahen masave kundër përhapjes së virusit, siç janë maska, distanca dhe higjiena personale.
Ai bëri të ditur se numri i rasteve aktive në Gjilan aktualisht është 105, transmeton Klan Kosova.
Gjendja e përgjithshme në Gjilan është si vijon: nga 10543 mostra, 3555 kanë rezultuar pozitivë, 3340 janë shëruar, 110 qytetarë e kanë humbur betejën me virusin, 105 raste janë aktive, të hospitalizuar me COVID janë 16 persona dhe 190 mostra në pritje për rezultat.
●●●
SZSHKRIMI NGA
Sh Z
Editorial nga Klan Kosova — ndjek lajme dhe zhvillimet e tjera kryesore të vendit.
