Zjarri më i madh në Francë në 75 vjet ende jashtë kontrollit

Zjarri më i madh në Francë prej 75 vitesh, i cili ka djegur një zonë më të madhe se Parisi, është ngadalësuar gjatë natës, por ende nuk është nën kontroll, thanë zyrtarët. Më shumë se 2000 zjarrfikës dhe 500 automjete zjarrfikëse vazhdojnë të jenë të vendosura në rajonin Aude, së bashku me xhandarmërinë dhe personelin e ushtrisë, thanë zyrtarët të enjten. Një grua e moshuar ka vdekur dhe 13 persona, përfshirë 11 zjarrfikës, janë plagosur, dy prej të cilëve në gjendje kritike, që kur zjarri shpërtheu pranë fshatit Ribaute në Francën jugore të martën. Tre persona janë raportuar gjithashtu të zhdukur nga të afërmit e tyre dhe dhjetëra shtëpi janë shkatërruar, shtoi prefektura e Aude, raporton BBC, transmeton Klankosova.tv.