Zjarr i madh në Universitetin e Tuscias në Itali, evakuohen studentët dhe stafi

Një zjarr i madh shpërtheu të mërkurën në fakultetin e bujqësisë të Universitetit të Tuscias në Itali Studentët, pedagogët dhe stafi u evakuuan nga kampusi ndërsa zjarrfikësit u nisën për të shuar flakët, shkaku i të cilave aktualisht nuk dihet, dhe rreth universitetit u ngrit një kordon sigurie me rreze prej 500 metrash, raporton Ansa, transmeton Klankosova.tv. Zjarri ka nxjerrë një re të madhe tymi të dendur dhe banorëve vendas u është thënë të mbajnë dritaret e shtëpive të tyre të mbyllura. Flaka thuhet se ka prekur një ndërtesë me laboratorë dhe hapësirë ​​​​magazinimi për qindra litra substanca të ndezshme.