Zhegrova optimist se Kosova do të kualifikohet në botëror

Edon Zhegrova, luajti sonte për disa minuta në barazimin 1:1 kundër Zvicrës. Pas ndeshjes, Zhegrova u prononcua për media ku u shfaq optimist se "Dardanët" mund të kualifikohen në botëror. "Është kënaqësi që jemi kualifikuar në plejof. Është një hap, por hapi tjetër janë dy ndeshjet e radhës. Me ekipin që kemi besojmë se do t’ia arrijmë. Është nder i veçantë kur luaj për vendin tim. E kam pasur gjithnjë përkrahjen e tifozëve. Është ëndërr të jesh pjesë e Juventusit, më mbetet shumë punë. Për momentin po ndihem shumë mirë. Jam 100 për qind. Edhe klubi e di. Më mbetet të vazhdojë të punojë edhe më shumë”, u shpreh Zhegrova.