Zelensky thotë se Trumpi ende nuk e ka konfirmuar pjesëmarrjen në takimin në Turqi

Një takim pritet të ndodh në Turqi mes Volodymyr Zelenskyt, Vladimir Putinit dhe Donald Trumpit. Zelensky i bëri thirrje Putinit të takohet me të të enjten në Stamboll, ndërkaq Trumpi tha se po "mendon" të marrë pjesë në bisedime nëse ato zhvillohen. Në komentet e tij më të fundit mbi takimin, Zelensky ka thënë se Ukraina e ka ftuar Trumpin të marrë pjesë në bisedime, por udhëheqësi amerikan ende nuk e ka konfirmuar pjesëmarrjen e tij, raporton Sky News, transmeton Klankosova.tv. Zelensky do të takohet me Presidentin e Turqisë, Recep Tayyip Erdogan, të enjten në Ankara dhe do të fluturojë për në Stamboll nëse Putini shfaqet. Ndërkaq, më herët zëdhënësi i Kremlinit, Dmitry Peskov refuzoi të komentonte se kush do të merrte pjesë nga pala ruse. "Sapo presidenti ta shohë të arsyeshme, ne do ta njoftojmë”, ishte shprehur ai.