Zeka, Ministrisë së Drejtësisë për ndërhyrjen në BBVK: Albulena Haxhiu e ka kallë flakë Parlamentin, a ka njeri më të dhunshëm?

Opinionisti i njohur i Big Brother VIP Kosova, Milaim Zeka, ka reaguar ashpër ndaj ndërhyerjes së Ministrisë së Drejtësisë për përjashtimin nga shtëpia të Atillas, banorit historia e të cilit lidhet me raportin me Drenusha Latifin. Ai madje ngre pyetje lidhur me standardet e dhunës në Kosovë, dhe krahasoi rastin me figurën politike, ministren Albulena Haxhiu, transmeton klankosova.tv. ''A ka njeri më të dhunshëm në Kosovë se Albulena Haxhiu?'' - pyet Zeka, duke iu referuar ministres së Drejtësisë dhe duke përmendur episodet e saj të mëparshme në Parlamentin e Kosovës. Zeka kujton se Haxhiu ishte përfshirë në akte të ashpra në të kaluarën dhe për këtë është arrestuar dhe akuzuar për dhunë. Ai sugjeron se kërkesa për përjashtimin e një banori të BBVK-së nuk është bërë për arsye të vërteta të mbrojtjes ndaj dhunës, por se pas saj fshihet një interes tjetër. Zeka nuk kursen as kritikat ndaj qeveritarëve, duke i cilësuar si “budallenj” dhe duke akuzuar se ndërhyrjet e tyre nuk janë të bazuara në një shqetësim real për rastin specifik. Opinionisti Zeka, gjithashtu ngre çështjen e hipokrizisë së grave në pushtet, duke akuzuar disa prej tyre për “dhunë gjatë natës ndaj burrave apo të dashurve të tyre” dhe për kujdesin e “shtirur” që, sipas tij, ato shfaqin gjatë ditës për të mbrojtur të drejtat e individëve të cënueshëm si “Drenusha”. ''Ministria e Drejtesise i paska fute hunte ne BBVK. Paskan kerku perjashtimin e nje banori per shkak bajagi te dhunes. Kam vetem nje pyetje: A ka njeri ma te dhunshem ne Kosove se sa Albulena Haxhiu?! Ajo e ka pas kalle flake Parlamentin e Kosoves. Ajo ka qene e arrestuar, dhe e akuzuar per dhune. Keta nuk e kane hallin e Drenushes, po krejte dikund tjeter….!!!! Zot ruana prej budalleve qeveritar, dhe prej femrave qe gjithe naten i terrorizojne burrat ose te dashurit e tyre, e diten, per m’u çlodhe nga dhuna e nates, i mbrojne bajagi te drejtate e drenushave…!!!'', thuhet në reagimin e Milaim Zekës.