Zeka çohet në këmbë për Xhulin, por ia tregon edhe gabimin që sipas tij e bëri ajo në BBVK

Milaim Zeka, i cili është opinionisti i parë i Big Brother VIP Kosova 3, sonte ka qenë i ftuar në “Kosova Today” në Klan Kosova, ku përmes një lidhje direkte, u kyç edhe ish-banorja e edicionit të parë të këtij formati, Xhuliana Nura.

Në momentin e prezantimit të Xhulit, Zeka u ngrit në këmbë, derisa më vonë theksoi edhe një çështje rreth saj, që sipas tij, ka qenë e gabuar.

Zeka u shpreh se lidhja sentimentale e Xhulit, e krijuar brenda shtëpisë, ka qenë lëvizje e gabuar, përcjell Klankosova.tv.

“Në aspektin njerëzor asnjëherë s’ka bërë gabim, por në aspektin sentimental, për shembull lidhja e saj e gabueshme brenda Bigut, shpeshherë i ka kushtuar Xhulit, jo të tjerëve, por Xhulit”, është shprehur ai.