Zbulohet magazina me kanabis në Korçë, në pranga gjashtë persona – përfshirë dhe gra

Një magazinë me lëndë narkotike dhe armë është zbuluar në fshatin Voskop të Korçës, ndërsa disa persona kanë përfunduar në pranga. Sipas të dhënave të para lënda narkotike e llojit kanabis sativa  dyshohet se nuk është prodhuar në zonë por është sjellë nga një vend tjetër për t’u magazinuar ndërsa brenda ambientit ku u gjet bëheshin edhe disa procese për ta përgatitur për shitje, raporton Top Channel, transmeton Klankosova.tv. Policia e Shtetit tha se veç lëndës narkotike në magazinë u gjetën edhe armë zjarri ndërsa ende nuk dihet sasia e zbuluar. Burime të TChbënë me dije se sasia është e konsiderueshme dhe është duke u peshuar ndërkohë që në pranga janë gjashtë persona deri tani mes tyre edhe gra.