Lajmet e fundit
Deputeti i Nismës për Kosovën, Zafir Berisha, e ka quajtur “livadh” kryetarin e Komunës së Mitrovicës, Agim Bahtirin, pasi ky i fundit ka deklaruar se fajin për mos-hapjen e urës mbi lumin Ibër e ka Serbia.
“Çfarë livadhi ky tipi që është kryetar i Mitrovicës, akuzon Serbin pse nuk e hap urën në Kosovë. Në vend se të kërkojë që ta hapin institucionet e Kosovës ai kërkon Serbia ta hap urën sikurse ura të ishte mbi Danub jo mbi Iber”, ka shkruar Berisha në llogarinë e tij në Facebook, njofton Klan Kosova.
Berisha ka vazhduar.
“Deklarata e këtij livadhi vërteton atë që prej kohe e themi ne, se me bisedimet në Bruksel qeveria kolaborocioniste e faktorizoi Serbin ne Kosovë dhe ne edhe me lëviz nëpër vendin tonë duhet të marrim leje nga Serbia”.
“Tradhtia brina nuk ka, do të thoshte populli”.
