Ymeri: Kur padrejtësia behet ligj, mosbindja behet e detyrueshme

Kryetari i Lëvizjes Vetëvendosje, Visar Ymeri, ka deklaruar se "për këtë Qeveri e rëndësishme është vetëm Zajednica". Ai tha se argumentet e Opozitës kurrë nuk do të jenë të mjaftueshme për “Isa Mustafën e Hashim Thaçin, sepse ata duan ta ruajnë pushtetin e tyre”. Lideri i Vetëvendosjes deklaroi se Opozita do t’i ndalë marrëveshjet dhe se ata kanë mbështetje edhe nga eurodeputetë dhe “kur padrejtësia behet ligj mosbindja behet e detyrueshme”, njofton Klan Kosova. “Ne nuk do të bindemi kur një pushtet e legjitimon Serbinë në Kosovë. Vetëm një detyrë ka ky koalicion; ta bëjë Zajednicën”. “Nëse nuk e tërheqin Zajednicën do t’i largojmë bashkë me të”, tha Ymeri, duke shtuar se “me 28 nëntor masivisht e paqësisht t’i themi jo marrëveshjeve të dëmshme dhe kësaj Qeverie”. Ai tha se “pushteti po përdor policët kundër Opozitës, por po i dënon ata qe kundërshtuan Serbinë”. “S’ka dhune qe na ndal”, pohoi Ymeri. “Nuk do te ndalem deri në ndaljen e marrëveshjeve, ose shkon edhe Qeveria”.

klankosova.tv