Ish-kryetari i Bordit të Fondit Pensional të Kursimeve, Ymer Havolli, i ka quajtur të pajustifikueshme vonesat për konstituimin e bordit të ri të këtij fondi.
“Kemi të bëjmë me një institucion që ka asete në vlerë mbi 2 miliardë euro dhe investimi i tyre kërkon profesionalizëm, njerizoj me përvojë që e njohin tregun financiar”, është shprehur Havolli në emisionin e ekonomisë, Portofol në Klan Kosova FM.
“Investimet bëhen në kuartale. Bordi nëse vëren se ka turbulenca të fuqishme, është i obliguar të mblidhet dhe të ndërmarrë veprime. Menjëherë duhet të ketë bord. S’ka bord, s’ka kush merr vendime”.
Havolli ka thënë se qeveria duke pasur emrat e atyre që kanë aplikuar për të qenë pjesë e bordit, duhet të caktohen sa më parë.
Më tej ai ka thënë se kontributdhënësit nuk duhet të shqetësohen për mjetet e tyre.
“Këto mjete investohen në periudha afatgjata. Janë mbi 2 miliardë dhe ka një rënie prej -1 përqind”.
https://youtu.be/VMhNmAgPvpg?t=120
●●●
LSHKRIMI NGA
LiZe
Editorial nga Klan Kosova — ndjek lajme dhe zhvillimet e tjera kryesore të vendit.
