Ylli - Trepça, kryendeshja e javës në Superligën e basketbollit

Ndonëse me formën aktuale dallojnë, Ylli dhe Trepça mbeten rivalët kryesorë të viteve të fundit, pasi për 3 vjet, u takuan dy herë në finale. Ky ballafaqim i së dielës mbrëma që zhvillohet në palestren "13 Qershori" në orën 20:00, e mbyll xhiron e 23-të në Procredit Superligën e Kosovës në basketboll, njofton Klankosova.tv. Paralelisht në Gjakovë, luhet një tjetër duel i fortë, ai mes Vëllaznimit dhe Bashkimit. [caption id="attachment_2522739" align="alignnone" width="1200"] Renditja tabelare në Procredit Superligën e Kosovës[/caption] Kjo javë basketbollistike nis sot me derbin e kryeqytetit, ku Bora përballet me Prishtinën, ndërkaq në Prizren, Proton Cable e pret Pejën. Edhe këto dy takime nisin në orën 20:00, njofton Klankosova.tv. Të gjitha ndeshjet elitare të basketbollit vendor, transmetohen ekskluzivisht në kanalet sportive të platformës gjigante, Art Motion! [caption id="attachment_2522705" align="alignnone" width="1203"] Elita basketbollistike e Kosovës, transmetohet ekskluzivisht në Art Motion dhe Kujtesa[/caption]