WOW: Dion Gallapeni, lojtari i ri me më së shumti duele të fituara në Kualifikueset e Botërorit

Kombëtarja e Kosovës ka arritur një sukses historik në kualifikimet për Botërorin 2026. Djemtë tanë, në këto kualifikime arritën 3 fitore (2 ndaj Suedisë dhe një ndaj Sllovenisë), dy barazime (një ndaj Sllovenisë dhe një ndaj Zvicrës) dhe një humbje (si mysafirë të Zvicrës), dhe përfundimisht u renditen në vendin e dytë të grupit B, duke siguruar play-offin. E një lojtar që ka lënë gjurmë në këto kualifikime është Dion Gallapeni. Ai po konsiderohet si një nga talentet më premtuese të futbollit të ri të Kosovës. Mbrojtësi i majtë, vetëm 20 vjeç, ka arritur në një pikë ku roli i tij në kombëtare është bërë i pazëvendësueshëm, dhe statistikat e tij flasin shumë për ndikimin që po ka. Sipas “Football Talent Scout - Jacek Kulig”, një faqe kjo e drejtuar nga Jacek Kulig, një skaut (analist talentesh) i besueshëm futbolli, Gallapeni është kampion në duelet fizike: asnjë lojtar nën moshën 23 vjeçe nuk ka fituar më shumë duele sesa ai në Kualifikimet e UEFA-s për Botëror, me 46 duele të fituara gjithsej. Në moshën vetëm 20-vjeçare, ai që luan për skuadrën polake Widzew Lodz, është shndërruar në një figurë kyçe për Kombëtaren e Kosovës dhe pritet të ketë një të ardhme të ndritur në futbollin ndërkombëtar. /Klankosova.tv

No player under the age of 23 has won more duels in the UEFA World Cup qualifiers than Dion Gallapeni – 46. The 20-year-old Widzew Łódź left-back has quickly become a key figure for Kosovo. ??? pic.twitter.com/ul1JBw7NV2

— Football Talent Scout - Jacek Kulig (@FTalentScout) November 19, 2025