Weezer dhe The Smashing Pumpkins në turne të përbashkët në Mbretërinë e Bashkuar dhe Irlandë

Bendet amerikane, The Smashing Pumpkins dhe Weezer do të nisin një turne të përbashkët në Mbretërinë e Bashkuar dhe Irlandë. Të dyja bendet ishin aktet kryesore në festivalin BeachLife të Kalifornisë vitin e kaluar dhe tash do të bëhen bashkë për një turne të shkurtër që nis në Birmingham më 7 qershor të vitit të ardhshëm. Ato do të mbajnë koncerte në The O2 të Londrës, 3Arena të Dablinit, OVO Hydro e me radhë. Biletat për këtë turne do të dalin në shitje të përgjithshme të premten e 20 tetorit.