Lajmet e fundit
Në Baltimore dhe Washington DC, vazhduan reshjet e dendura të borës, ndërsa pritet edhe shi i akullt dhe ngrica.
Shërbimet e motit parashikojnë që reshjet të sjellin grumbullime bore nga 12.7 cm deri në 25.4 cm, ndërsa në disa zona të izoluara mund të arrijnë deri në 40.64 cm, transmeton klankosova.tv.
Shërbimi Kombëtar i Motit për Baltimore-Washington njofton se deri në mesditë pritet një pauzë e shkurtër në reshje, ndërsa bora do të rifillojë me intensitet deri në mbrëmje.
Në Washington DC, shkollat janë mbyllur këtë mëngjes dhe kryetarja Muriel Bowser ka shpallur gjendjen e emergjencës për borën, e cila do të zgjasë deri në fund të së martës.
Aeroporti Kombëtar Ronald Reagan në Washington ka regjistruar disa orë reshje të dendura, me grumbullime prej të paktën 7.62 cm borë që po bien me ritme prej afërsisht një inç në orë, sipas The Washington Post.
