Nuk ka kaluar propozimi i amandamentit të propozuar nga deputeti i Lëvizjes Vetëvendosje Eman Rrahmani, për ngritjen e koeficientit të pagave në sektorin publik nga 110 në 115 euro.
Partia e këtij të fundit ka votuar kundër këtij propozimi, kështu duke mos u votuar nga ana e shumicës parlamentare.
Në seancën e sotme, po bëhet shqyrtimi i dytë i Projektligjit të buxhetit për vitin 2024.
Ky buxhet pritet të jetë 3.3 miliardë euro.
Kryetari i Komisionit për Buxhet, Armend Muja, e ka paraqitur raportin e Komisionit me 64 amendamentet e propozuara kryesisht nga deputetët e opozitës, e të cilat nuk kanë marrë përkrahjen e Komisionit.
●●●
ASHKRIMI NGA
albert
Editorial nga Klan Kosova — ndjek lajme dhe zhvillimet e tjera kryesore të vendit.
