VV shkarkon bordin e AKP-së (VIDEO)

Sot 65 deputetë i ngritën duart për ta shkarkuar bordin e Agjencisë Kosovare të Privatizimit. E kjo pikë, që nuk ishte fare në rend dite, krijoi zhurmë e ofendime mes deputetësh, pikërisht kur u kërkua nga Vetëvendosje që e njëjta të trajtohet këtë të enjte. Deputetët e LDK-së kritikuan Zëvendës-Kryesuesen Saranda Bogujevci, që nuk po ua jep fjalën, njofton Klan Kosova. Madje, u desh që t’i shkohet edhe tek ulësja, e cila u nervozua kur dëgjoi ofendime nga Arben Gashi. E pavarësisht këtyre zhurmave, janë shumica e deputetëve ata që besojnë se AKP gjithqysh duhet të shuhet. Por, nga opozita besojnë se kjo qasje e Vetëvendosjes nënkupton ri-kapje të institucioneve. Por, bordi i AKP-së po shkarkohet sipas Kryeministrit Albin Kurti, me qëllim që të vij një bord i ri, e më pas të shuhet tërësisht kjo agjenci.

klankosova.tv