Vuçiq me prova të reja për rastin "Bytyqi"

Kryeministi i Serbisë, Kryeministri serb Aleksandar Vuçiq në shtator do të shkojë në Uashington me dëshmi të reja lidhur me rastin e vrasjes së vëllezërve Bytyqi.

Prokurori  për krime lufte Vladimir Vukçeviq i cili e bëri të ditur këtë informatë ka thënë për Radio Beogradin se është duke u punuar intenzivisht në rastin "Bytyqi" dhe se në hetimin e tij ishte e përfshirë FBI-ja.

Ndryshe, kryeministri Vuçiq nga mesi i shtatorit do të shkojë në SHBA ku do të takohet me nënkryetarin Joe Biden kurse pritet që një nga temat e bisedimeve të jetë  edhe vrasja e vëllezërve Bytyqi.

Prokurori për krime të luftës ka theksuar se  deri në fund të mandatit, krahas lëndëve të tjera do të duhej të përfundojë edhe rasti Bytyqi.

Më 9 korrik të vitit 1999 Mehmet (21), Agron (23) dhe Ylli (25) Bytyqi, janë vrarë nga pjesëtarë të Ministrisë së Punëve të Brendshme të Serbisë .