Vuçiq betohet president

Aleksander Vuçiq është betuar si president i Serbisë në parlamentin e shtetit për të filluar mandatin pesë vjeçar, njofton Klan Kosova. Vuçiq betimin e ka bërë me dorë mbi Kushtetutë – e cila e parasheh Kosovën territor të Serbisë. “Betohem se do të ruaj sovranitetin dhe integritetin territorial të Republikës së Serbisë, duke përfshirë Kosovën dhe Metohinë si pjesë përbërëse e saj”, ka thënë Vuçiq. “Do të mbroj të drejtat e njeriut dhe të pakicave dhe do ta respektoj Kushtetutën dhe ligjet. Do të bëj përpjeke për të ruajtur paqen dhe mirëqenien e gjithë qytetarëve të republikës dhe me ndërgjegje e përgjegjësi do të përmbush të gjitha detyra”.

klankosova.tv