Lajmet e fundit
Almir Daci, ish-imami i xhamisë së Leshnicës në Pogradec, i njohur si xhihadisti shqiptar që kërcënoi Ballkanin, është vrarë në Siri.
Lajmi është konfirmuar nga familjarët e Dacit në Leshnicë. Almir Daci, militant i shtetit të vetëshpallur islamik, ISIS, akuzohet për veprat penale: “Rekrutimi i personave për kryerjen e veprave me qëllime terroriste ose të financimit të terrorizmit”, “Nxitje, thirrje publike dhe propagandë për kryerjen e krimeve me qëllime terroriste, nxitje të urrejtjes apo konfliktit nacional, racor apo fetar”.
Para se Daci t’u bashkohej militantëve, ai është i njohur në raportet e Shërbimit Inteligjent Shqiptar dhe Drejtorisë së Antiterrorit, si person që më parë rekrutonte të rinj për të luftuar në radhët e ISIS-it.
Në Tiranë ishte hapur procesi gjyqësor ndaj tij, por në mungesë të Dacit, gjyqi shtyhej çdo herë. Daci ishte shpallur në kërkim nga Interpoli, tashmë prej dy vitesh.
