Vrasja në azilin e të moshuarve në Tiranë, arrestohen dy infermiere

Janë arrestuar dy infermiere në Tiranë, pas vrasjes së ndodhur në azilin e të moshuarve mëngjesin e kësaj të enjteje. Dyshohet se infermieret kanë penguar zbardhjen e së vërtetës. Sipas informacioneve të siguruara nga Euronews Albania, infermierja pasi ka parë të moshuarin që ka ndërruar jetë ka telefonuar një agjenci funerale për të tërhequr trupin e pajetë, transmeton Klankosova.tv. Në momentin që po kryheshin procedurat në morg është vërejtur që ka pasur dëmtime serioze dhe është njoftuar policia, raporton euronews.al. Ngjarja e rëndë ndodhi rreth orës 04:00 të mëngjesit në një azil privat në kryeqytet këtë të enjte, ku një i moshuar ka qëlluar për vdekje shokun e tij të dhomës. Sipas informacioneve paraprake bëhet me dije se si autori ashtu edhe viktima vuanin nga skleroza. https://klankosova.tv/sherri-nisi-per-krevatin-detaje-nga-vrasja-ne-shtepine-e-te-moshuarve-ne-tirane/