Vetkasident në Gjilan, lëndohet pasagjeri i kamionetës

Një kamionetë është vetaksidentuar gjatë ditës së premte ne hyrje të fshatit Dobërçan të komunës së Gjilanit. Rastin për Klankosova.tv, e konfirmoi zëdhënësi i policisë për rajonin e Gjilanit, Ismet Hashani. Hashani bëri të ditur se nga vetaksidenti, lëndime ka pësuar pasagjeri. "Një vetkasident ka ndodhur në hyrje të fshatit Dobërçan. Vozitësi i kamionetës dyshohet se ka humbur kontrollin e mjetit, me ç'rast ka dalë nga rruga. Lëndime ka pësuar pasagjeri", tha Hashani. Njësitet kompetente janë në vendin e ngjarjes, dhe po punojnë për zbardhjen e rrethanave se si erdhi deri të aksidenti.