Lajmet e fundit
Lëvizja Vetëvendosje ka uruar të gjithë besimtaret mysliman për festen e Kurban Bajramit përmes një postimi në faqen e tyre zyrtare në facebook.
“Simbolika dhe domethënia e kësaj dite, mbartë vlera të domosdoshme për shoqërinë sot. Sakrifica është mësimi dhe garancia për funksionimin më të drejtë të një shoqërie, e cila sot po rrezikohet nga majat drejtuese të saj. Drejtësia është rezultat i sakrificës dhe kjo është nevoja më e madhe e shoqërisë tonë aktualisht” thuhet ne deklaratën e Vetëvendosjes.
“Mirëqenia e synuar për të gjithë duhet të jetë rikujtim i përditshëm. Këtë duhet ta urojmë edhe sot, në këtë ditë feste. Poashtu, ta inkurajojmë njëri – tjetrin që të mos dorëzohemi. Prandaj, në këtë rrugëtim nevojitet solidaritet. Pasuria shpirtëore e morale e poashtu edhe ajo materiale u takon të gjithëve.
Me fat Bajramin!” përfundon deklarata nga Lëvizja Vetëvendosje.
